麥皮與涼鞋

麥皮一直都很想要一雙涼鞋,過去的幾星期都到商店逛過了很多遍, 但卻沒合意的。終於在上星期到Dr. Kong裡找到合適的, 可惜卻缺貨。前兩天Dr. Kong的店員打電話來說有貨了,所以今天便去取貨。取貨的時候順道替麥皮量度一下腳部生長情況。基本麥皮沒太多問題,只是有一點扁平足, 不過聽說這是幼孩常見現象,長大時會有改善。


"趴埋牆! 擘開對腳, 依家要搜你身!!"


貼在腳跟的小黑點是用作量度腳跟部份生長是否垂直:

麥皮暢遊Mega Box

放假的幾天麥皮一直嚷著要去Mega Box, 終於在星期天跑了一趟。經過上次到Mega Box的經驗(上次去的時候是Mega Box剛剛開業, 我們坐巴士去, 等車等了20分鐘, 前往Mega Box的車程約十分鐘,卻在Mega Box附近塞車塞了半小時。 抵達Mega Box的大門口,只見人頭湧湧,連上扶手電梯亦要排長龍。 Kitty眼見不對勁便下令撤離,跑去乘坐到德福廣場的穿梭巴士。 然而, 坐巴士的人龍亦不弱, 我們前後花了差不多三小時但最後到達的目的地竟然是平常花不了十分鐘便能到達的德福廣場。), 今次我們不直接前往,而是先到德福廣場,再徒步前往。這次共花了不到半小時便從家裡到達Mega Box。這次人流比上一次少了很多, 我們亦很容易走到電梯前往各層。


我們先到的是位於L5的Sportlight。麥皮可算是最開心的了,因為那裡的手推車特別大,他第一時間要跳到車上。Kitty亦十分喜歡到Sportlight逛,因為裡面賣的有很多有趣的小材料和小玩意,都是在街上不常見的。






之後我們又到了L9的Kids Zone。雖然大部份店舖尚沒開張,但無阻麥皮在邊上一個小休憩地玩耍的興致。

哈囉!大象先生!




你睇我唔到, 你睇我唔到.....


之後我們到了那所謂IKEA競敵的B&Q。甫進店子, 第一個感覺像是到了大陸的百貨公司。那些家庭用品的質料都是中下貨式, 同樣的一個牛奶打泡器, 同樣是袓國出品, IKEA賣十多元一個, 銀灰色, 雖不是十分醒目、高品味的那種, 但質料及製造工藝俱佳, 放在桌上亦不覺礙眼。反觀B&Q的, 六十多元一個, 電鍍銀色, 看很出是七十年代香港經濟起飛時那種電鍍塑膠的質感, Cyber味沒有卻見"娘"味甚濃,質料差, 再加一個同樣質素好不了多少的不銹鋼架子, 只能說句:六十多元真係搵鬼買。其它的產品都是一般的國產大眾化質料, 款式亦是"大眾化"的, 和在牛頭角下村小傢私店買的沒兩樣, 我真的看不出哪裡可以和IKEA匹敵。同樣是走大眾化平價傢俱用品, 卻欠缺了應有的質量及Style。

失望的從B&Q走出來, 跑到太興燒味吃飯, 我一向覺得太興燒味的味道一般, 故這次亦沒有抱太大期望, 沒期望就沒失望! 食品水平都是一般, 那特式飲品"冰鎮奶茶/咖啡"味道尚可,值得一讚的反而是環境, 一面大玻璃窗戶十分開揚, 坐位亦沒有一般燒味茶的侷促感。麥皮亦十分享受那平常絕少能吃到的叉燒!

麥皮五歲生日

麥皮早幾日五歲生日, 我地同佢慶祝:
以下係youtube片段, 可以按個Play icon去睇:


當然唔少得拍靚仔照啦:
















我地就影相,麥皮就一於好少理, 剩係掛住食:

一年沒有Update

足足一年沒有update了. 麥皮已經四歲, 重升o左上K2, 帶左眼鏡, 好似佢老豆咁.....

中秋節

一年容易又中秋, 麥皮呢個佳節都玩得好開心。因為有燈籠,又有犀利光!

中秋慶祝會

今日麥皮學校有慶祝會,要小朋友著有中國特式o既衣服,我地就同佢買左套中式衫:
先黎個close up:

麥皮第二日上課

今日係麥皮第二日返學, 我唔駛番大陸,請左日假去睇佢。

今日要著運動衫,佢好開心,佢阿媽一樣咁開心－－＞　







同第一日唔同, 第一日家長可以陪上課, 但第二日就要自己上堂。好彩佢都冇喊。一同我地講完Bye Bye就標o左去玩玩具(._.;)...

麥皮上學去

今日麥皮終於番學啦! 我o既心情興奮又緊張。好似係自己番學咁。但係D咁重要o既日子,隻衰佬竟然要番大陸.... 唉,唯有我自己肩負重任啦。





麥皮"子貝"起書包番學啦.... 咦?!.... 唔對路喎.... 呀!!.. 唔記得換校服呀!!!







嗱,著番校服, 零舍醒目!

"子貝"埋書包, 唔會打交 ->







好啦, 擺完POSE, 要出發啦!

番到學校, 佢第一時間梗係去玩啦....

呢個就係佢第一日番學o既情況o勒。第一日係俾佢適應學校生活, 所以只係上o左一個鐘, 而且可以家長倍同。但第二日開始就唔一樣啦, 佢要自己同其他小朋友上堂,要大個仔啦.

玩LEGO

麥皮仔快要番學,要買張書枱俾佢。揀o左好耐,最後都係鎖定Wise Kids果度D枱。吉蒂就好努力咁揀枱, 而麥皮就當然係發揮佢最強果瓣--玩!




有乜玩? LEGO囉! 不過呢D唔係普通o既LEGO,呢D係真係成舊磚咁大o既............ＬＥＧＯ！








<--真係好大o架!

你睇佢幾努力! --->

的士司機事件

今日麥皮傷風,吉蒂帶o左佢去睇醫生。走o既時候搭的士番屋企。落車時吉蒂俾錢,而麥皮就企係車廂內同司機叔叔講Bye Bye。司機叔叔找錢時就找o左俾麥皮。落o左車, 吉蒂同麥皮行去買麵包,仲用先前司機找俾麥皮果幾蚊俾錢。
忽然,麥皮問o左個問題: "媽媽, 點解司機叔叔俾錢我地買麵包食o既?" (-_-;)....

橫風橫雨

呢幾日橫風橫雨,今日仲不停咁落,麥皮就快要番學,吉蒂就趁呢個機會進行暴雨演習。



我地買o左件黃色雨褸俾麥皮,雖然落好大雨,但係麥皮似乎好開心。

嘩! 好大雨呀, 快D走呀!!

熱烈慶祝麥皮擁有自己的Domain

麥皮仔終於有屬於自己o既Domain Name啦! 三年啦, 足足等左三年, 終於等到terrencechan.com之前擁有者放棄呢個Domain, 即刻reg.左! Yeah~ 遲下麥皮會有自己o既E-mail address.大家到時多D寫信俾佢啦。佢以前成日走去部電腦度推隻Mouse,話check E-mail喎. 以後佢真係可以啦! 不過由於佢讀得書少 (sorry,其實仲未開始讀書,最快要九月先開學)唔係好識字,大家最好send多D多媒體o既o野,好似圖呀,聲音呀...咁。依家佢個domain 暫時Forward去kittytang.com 先, 遲下先睇下點搞。

記得呀:

www.TerrenceChan.com

麥皮校服look曝光

麥皮係上星期六終於拎左校服,佢當然係好開心啦, 仲試著添。

運動裝: 型!! ----->












<------- Yeah~~ 外套look, 幾醒目。




校服look. 你睇佢幾開心!















校服加外套, 咦?! 麥sir有D怕羞添......

太古城

今日同吉蒂&麥皮去太古城睇恐龍骨,唔係好多人,不過恐龍骨亦都唔係幾好睇,只係映左一D到此一遊相:







之後麥皮就速速走去玩具反斗城。玩左一陣又去冒險樂園,都不知幾開心!

星期日檔案

今日麥皮老豆有個朋友約o左我地出黎,去行apm,勁多人,係觀塘廣場飲個茶,之後就轉左去德福行IKEA。當行到玩具部, 麥皮興奮到震啦, 佢老豆拎左隻木馬俾佢,佢就玩到嘰嘰聲,成個癲哂。最後仲同佢個朋友仔玩掃波(其實係掃地)。

吉蒂牛一

今日係我o既牛一,幾多歲就唔好講o勒, 不過麥皮老豆就飛o左去上海,兩仔"也母" 正哂啦, 自由活動, 俾我搵到個半磅生日蛋糕, 於是乎買佢番娘家慶祝。

精景對白：
麥皮: 媽媽,係咪要點18支臘燭呀?
吉蒂: ....... (-_-;)

唔好講D衰野啦,切蛋糕啦！

觀塘apm

今日同麥皮去觀塘apm, 佢一去到就話要去80M睇巴士, 當然我地要佢食野先啦! 於是就去佢其中一個Favor----->ＫＦＣ ! 以下係佢o既食相:


佢話燒雞翼, 佢自細鍾意食!

另有MP4 format 食雞翼短片download







跟住就係表演由佢媽媽遺傳o既拿手好戲: 刨栗米!

另有MP4 format 刨栗米短片 download








飯後甜品係葡撻







其實佢總共食o左一隻雞下脾, 兩隻雞中翼加部份雞鎚, 一D雞皇飯,粟米一份同葡撻一件,胃口相當唔錯。